音響

音響香港｜Soundbar、藍牙喇叭、耳機同無線咪

電視對白聽唔清、出街想有音樂、搭車想靜一靜、拍片要收音 —— 四個問題，四類機。呢版將 Elechid 音立全部音響產品放埋一齊，先按用途揀類別，再入去睇型號。

按用途揀類別

Soundbar 音響：幫電視補聲

現代電視越做越薄，喇叭細、向下發聲，對白好易散晒。一條 Soundbar 擺喺電視前面，大部分型號用 HDMI eARC 駁一條線，電視遙控就調到音量。由一條棍嘅 2.0 聲道，到連無線低音炮、後置喇叭嘅 Dolby Atmos 全套都有，品牌包括 Samsung、JBL 等。

藍牙喇叭：拎得走嘅音樂

由扣喺背包嘅防水細機，到屋企開 party 用嘅 JBL PartyBox，唔使裝、唔使駁線。另外有 Marshall 座枱喇叭同 Amazon Echo 智能喇叭，品牌包括 JBL、Marshall、Bose、Samsung 同 Amazon。

耳機：通勤、運動、在家聽歌

真無線耳塞、頭戴式降噪耳機同有線耳機都有，以主動降噪（ANC）型號為主。品牌包括 Sony、Bose、Apple、Sennheiser、Samsung、JBL、Marshall、HUAWEI 等。

麥克風：拍片、直播、唱K

DJI 無線咪夾喺衫度就收到音，啱拍 Vlog、直播同網上會議；另有 UHF 雙無線咪同附咪嘅手提卡拉OK音箱，屋企唱K用。

未諗好揀邊類？

保養同退換

• 行貨同國際版點分：產品標題寫明「國際版」就係國際版；冇寫嘅係香港行貨。
• 行貨：跟原廠保養，年期以隨機保養卡為準。
• 國際版耳機、喇叭、麥克風：10 日內有壞包換。
• 國際版 Soundbar：30 日內有壞包換。
• 只接受壞機換貨，不設無理由退貨。

常見問題

Soundbar 同藍牙喇叭有咩分別？

Soundbar 係為電視而設，長形、擺喺電視前面，主要經 HDMI 或光纖由電視出聲，重點係對白同環繞效果。藍牙喇叭主要由手機播歌，大部分型號細部、有電池、拎得走。想改善電視聲音揀 Soundbar；想隨身聽歌揀藍牙喇叭。

Soundbar 點樣駁電視？

最方便係用 HDMI 線駁電視標住「eARC」或「ARC」嘅 HDMI 插口，駁好之後電視遙控可以直接調 Soundbar 音量。部分入門型號用光纖或藍牙連接，每部支援咩接口，請以產品頁規格為準。

國際版耳機同喇叭喺香港用有冇問題？

藍牙耳機同藍牙喇叭係同手機配對使用，香港用法同行貨一樣。國際版同行貨嘅分別主要喺保養：國際版由我哋提供 10 日有壞包換，行貨跟原廠保養。

可唔可以去門市睇實物？

可以。觀塘陳列室有存貨，預約後可以到場睇實物。門市主要用作存貨，暫不設試音。