保養、送貨安裝、揀機
最多人問嘅 20 條

我哋主力賣國際版（平行進口）。不同地區版本嘅硬件、韌體、App 支援同跟機配件可以有分別。香港行貨按品牌條款保養；合資格國際版電視由我哋本地師傅團隊按本店條款提供保養。落單前請核對完整型號、供貨地區及產品頁列明嘅保養安排。

部分產品係香港行貨：產品標題冇寫「國際版」嘅就係行貨，有原廠保養。每一頁都會清楚列明，唔會含糊。

要睇確實供貨型號及地區版本，唔可以一概當成同行貨完全一樣。

• 香港本地電視：本店所有電視都可接收香港本地電視頻道。實際接收情況會受天線訊號及大廈系統影響。
• 選單及韌體：本店所有電視都支援繁體中文及英文選單；語音及其他系統功能請參閱個別型號資料。
• 電源及配件：核對額定電壓、插頭及跟機配件，唔好只憑系列名稱判斷。
• 串流平台：now TV、myTV SUPER、Netflix、Disney+ 等，要分開核對該型號嘅 App 支援、帳戶地區及訂閱要求。

唔肯定就落單前 WhatsApp 提供完整型號同你想用嘅功能，我哋會按產品頁資料同你確認。保養提供者及範圍亦以個別產品頁及保養條款為準。

適用範圍：國際版電視。行貨電視行原廠保養；Sound Bar、耳機、相機等按產品頁列明嘅條款（見下一條）。

包括：

• 上門檢查及故障診斷
• 維修工時
• 已掛牆嘅電視，拆架同重新安裝

唔包括：

• 零件費用——會先報價，你確認咗先做
• 人為損壞——例如碰撞、跌落、入水、電壓問題
• 部分離島——長洲、南丫島不設上門服務，如有需要請將機件送回門市。愉景灣及馬灣包括喺上門服務範圍內。

除以上三項，其餘一律包喺 3 年保養內。香港行貨電視一般只得 1 年原廠保養，而且多數要自己安排送修。

拆箱後如果發現屏幕裂痕或者花屏，我哋 1 換 1。

買大電視最擔心就係呢樣，所以我哋講明先：拆開有問題，換一部俾你。

10 日由電視安裝完成當日起計（冇安裝服務嘅產品，例如耳機、相機，由收貨當日起計），期間請保留原裝紙箱。

換新時可以轉其他型號，唔限於原本買嗰款——揀貴啲嘅補返差價，揀平啲嘅退返差額。

• Sound Bar——30 日保修，非人為損壞可維修
• 耳機、相機、投影機、麥克風等——10 日內有壞包換（非人為損壞）
• 3 年上門保養只適用於國際版電視，唔覆蓋音響同配件

每件產品嘅實際條款以產品頁為準；買之前唔肯定，WhatsApp 問我哋。

以 4K 電視計，建議尺寸大約係「觀看距離 ÷ 1.6」。實際參考：

香港單位普遍細，好多人驚「會唔會太大」。實際上 4K 解像度高，坐得近都唔會見到像素，大部分人買完之後只會後悔買細咗。如果喺兩個尺寸之間猶豫，通常揀大嗰個。

量唔到？WhatsApp 影張客廳相同埋大約距離俾我哋，我哋幫你睇。

簡單講：房間光就揀 QLED 或者 Neo QLED，暗房睇戲就揀 OLED，預算為主就 Crystal UHD。

• 打機——睇 HDMI 2.1、120Hz（部分型號去到 144Hz）、VRR、ALLM 同低輸入延遲。PS5 或者 Xbox Series X 想食盡 4K 120，呢幾樣缺一不可。
• 睇戲——對比同黑位最緊要，暗房用 OLED 最出色；支援 Dolby Vision 同 Dolby Atmos 會更沉浸，配返 Sound Bar 分別好明顯。
• 睇波——睇動態處理（快鏡唔會拖影）同亮度（日光下都睇得清）。

電視方面我哋主打 Samsung、LG、TCL、創維（Skyworth）、海信（Hisense）同東芝（Toshiba），尺寸由 32 吋去到 98 吋。音響、投影機、相機等另有 JBL、Bose、Samsung 等品牌。

搵唔到你想要嗰個型號？WhatsApp 話我哋知，我哋可以幫你查貨源同交期。

費用按電視尺寸計算，已包括送貨及安裝：

其他選擇：

• 預約自取：免費——請先 WhatsApp 確認現貨及自取時間，星期一至六 11:00–19:00（星期日及公眾假期休息）
• 送到樓下自取：$200——我哋安排車送到街上，你自己搬上去
• 香港以外（澳門、台灣等）：請 WhatsApp 查詢

附加收費：

• 唐樓／要行樓梯：每層加 $100
• 愉景灣：額外加 $500

離島安排：

• 馬灣：正常送貨，冇附加費
• 長洲、南丫島：送到中環碼頭自取，呢兩區不提供安裝服務，落單時請揀只送貨嘅選項

可以。需要行樓梯嘅話，每層加收 $100。

例：65 吋電視送到唐樓 4 樓連掛牆安裝 ＝ $600（送貨連掛牆）＋ $400（4 層樓梯）＝ $1,000。

冇樓層上限——幾多層都搬得上，按層數計。

一般落單後第二日送貨。

暫時未能接受指定送貨時段，但師傅出發前 1 小時會致電通知，唔使你成日等喺屋企。

星期日及公眾假期不送貨，其餘日子照常。

包掛架。上表嘅掛牆安裝費已經連掛架在內，唔使另外買，安裝當日亦唔會再收。

關於你面牆：石屎牆同磚牆一般冇問題。石膏假牆要視乎實際結構，未必食得起大機——如果你打算掛嗰面係假牆，落單前 WhatsApp 話我哋知，等我哋先幫你睇，好過安裝當日先發現。

走線同收線唔包括在內，有需要請落單前講。

會，免費代為拎走，適用於 40 吋或以上、機身厚度 10 厘米以內嘅舊電視。

40 吋以下、厚過 10 厘米，或者舊式大牛龜（CRT）電視就唔收得。唔肯定自己部係邊種？落單前喺 WhatsApp 影張側面相俾我哋，我哋幫你睇。

• 信用卡：Visa、Mastercard、American Express、銀聯
• 轉數快 FPS
• 銀行轉賬
• 電子錢包：PayMe、八達通、AlipayHK、支付寶、WeChat Pay、Samsung Pay
• 現場付款——請先 WhatsApp 確認現貨、付款方式及預約自取時間

暫時未提供分期付款。如果分期對你嚟講好重要，WhatsApp 話我哋知，我哋可以睇下有冇其他安排。

可以。請喺落單時或者落單之後 WhatsApp 聯絡我哋，提供公司名稱同發票上需要嘅資料。

可以退換嘅情況：產品有故障、損壞、缺件或者送錯貨。期限係安裝完成後 10 日內；冇安裝服務嘅產品由收貨當日起計。

唔接受嘅情況：因為個人喜好或者改變主意而退換。

費用點計：

• 已付嘅送貨費同安裝費唔會退返
• 但換貨之後嘅安裝唔會再收費——唔會收你第二次
• 因為產品故障、損壞或者送錯貨而退貨，退貨運費全免

退款幾時到：退回產品收妥後先檢測，檢測完成後 3 個工作天內處理，經原付款方式退返。

如果係產品本身有問題，唔使自己行退貨程序——WhatsApp 話我哋知，我哋安排師傅上門收件。

可以預約自取，請預先 WhatsApp 確認現貨及自取時間。

觀塘地址為辦公及預約自取點，未設電視示範、試機、耳機試戴或音響試聽。星期日及公眾假期休息。

地址：香港九龍觀塘興業街 15 號中美中心 A 座 403 室｜營業時間 星期一至六 11:00–19:00（星期日及公眾假期休息）

• WhatsApp：+852 9847 9793——最快，通常幾分鐘內覆
• 電話：+852 3709 6847
• 營業時間：星期一至六 11:00–19:00（星期日及公眾假期休息）
• 地址：香港九龍觀塘興業街 15 號中美中心 A 座 403 室