電視盒子・串流手指

電視盒子、串流手指香港｜將舊電視同投影機變成智能電視

部電視太舊冇 Netflix、智能系統慢到開唔到 app，或者投影機行嘅系統裝唔到串流平台？唔使換機，喺 HDMI 插一支串流手指就解決到。呢版嘅產品都係接駁電視或投影機用嘅串流裝置，裝好之後用遙控器就可以睇 YouTube、Netflix 等串流平台。

邊支啱你？

你嘅情況	可以睇吓
Yaber 投影機（例如 U12、L2 Plus、T1 Pro）行 Linux 系統，裝唔到 Netflix	Yaber StreamX1：原廠 Google TV 手指，附 U 形 HDMI 轉接頭，投影機插口位置刁鑽都插得入
舊電視、非智能電視，或者其他品牌投影機	MX10 F3：Android TV 13 手指，預裝 Netflix 同 YouTube，其他 app 可以喺 Play 商店下載
用開 Amazon 服務、想用 Alexa 語音遙控	Amazon Fire TV Stick 4K Select：行 Amazon 新嘅 Vega 系統，可用 app 同 Google TV 唔同，買之前請睇清楚產品頁

保養同退換

• 行貨同國際版點分：產品標題寫明「國際版」就係國際版；冇寫嘅係香港行貨。
• 行貨：跟原廠保養，年期以隨機保養卡為準。
• 國際版：10 日內有壞包換。
• 只接受壞機換貨，不設無理由退貨。

常見問題

電視盒子同機頂盒有咩分別？

喺香港，「機頂盒」通常係指數碼電視（DTMB）接收器，用嚟接收無綫、ViuTV 等免費電視台。電視盒子同串流手指就係經 Wi-Fi 上網，用嚟睇 YouTube、Netflix 呢類串流平台，唔會接收免費電視台。想睇免費電視台，要用 DTMB 機頂盒，或者揀內置 DTMB 接收嘅電視，例如我哋嘅 TCL 行貨電視。

串流手指同電視盒子有咩分別？

串流手指細細支，直接插喺電視或投影機嘅 HDMI 插口，用 USB 供電，收埋喺機背後面。電視盒子係一個獨立嘅盒，擺喺電視旁邊，通常插口多啲。兩者用法一樣，都係用遙控器揀 app 睇串流節目。

點樣駁？

將手指插入電視或投影機嘅 HDMI 插口，再駁 USB 電源，然後將電視訊號源轉去嗰個 HDMI，跟住畫面指示連 Wi-Fi、登入帳戶就用得。Netflix、Disney+ 呢類平台要另外訂閱。

我部已經係智能電視，仲使唔使買？

如果部電視用開冇問題，唔使買。但如果系統已經唔再更新、開 app 好慢，或者想用嘅 app 裝唔到，插一支串流手指通常比換電視平好多。

可唔可以去門市睇實物？

可以。觀塘陳列室有存貨，預約後可以到場睇實物。